Á jólanátt

Orð og lag: Simme Arge Jacobsen

Á jólanátt úr høgum himnahválvi
varð sungin tær ein lovsongur so hátt,
tá einglar trinu niður á tað gólvið,
har krubba tín varð sett ta jólanátt,
tá tú í tínum lítillátna veldi
læt kyssa teg á kinn Mariu moy,
læt fyri okkum opna lívsins keldu.
Tú fyri oss á krossi hevur doyð.

Gud, lat oss syngja við tí einglaskara,
sum lovaði og prísaði títt navn.
Tey jólini nú okkum kunnu læra,
at tað sum viti førir trygt í havn.
Lat okkum tá í hendur taka saman
og syngja glað um boðskap tín í kvøld,
og ynskja øllum jólafrið og gaman,
at eingi eru svong, og eingi køld.

FavoriteLoadingGoym tekstin