Á knæ fyri Guði í Jesu navn

Orð: Anders Hovden
Týtt: Mikkjal á Ryggi

Á knæ fyri Guði í Jesu navn
vit byrja við bøn várt yrki,
vit leita inn í várs faðirs favn
og fáa har mót og styrki;
vit finna har ljós á lívsins leið
og signing í dagsins virki.

Á knæ fyri Guði í Jesu navn
vit koma til góðan faðir;
várt akker fær botn í bestu havn,
har ilt okkum einki ræðir.
Guð gevi oss troyst og halga trygd,
so vantreysti ei oss bagir.

Á knæ fyri Guði í Jesu navn!
Hans gáva til okkum floymir,
hans Heilagi Andi vegin javn’!
Hann blítt við sín barm oss goymir;
hann varðar so væl sín eygnastein,
hann barnið sítt aldri gloymir.

FavoriteLoadingGoym tekstin