Á um eg kundi

Orð: Eir í Ólavsstovu
Lag: Ingun Simonsen

Á um eg kundi málað eina planet so reyða,
at eg opnaði blinda eygað.
So skuldi eg málað eina so góða mynd,
at órættvísi bleiv gjørt til synd.

Á hevði eg kunnað skríggjað so hart, at øll tað hoyra,
sjálvt tað dula oyrað, tá skuldi eg sungið ein sang,
ið øll elska og kenna,
so fólk fóru at dansa og flenna.

Á um eg kundi skrivað so væl,
at eg vakti fólk í hópatal.
So skuldi eg sagt teim’,
hvat lívið er vert,
og hvussu nógv skeivt tú gert.

Á hevði eg kunnað málað eina so góða mynd,
at eg opnaði eygu blind.
Tá skuldi eg meiggjað húsaveggin út við lívum
og tárum frá teimum, ið fullu í krígnum.

Á hevði eg bert kunnað sungið ein so yndisligan sang,
at eg loysti alheimsins trælaband,
tá skuldi eg sungið um kærleik’ yvir dalar og fjøll,
so leingi at kærleikin kom til øll.

FavoriteLoadingGoym tekstin