Áh, Harri, tá mítt eyga sær

Orð: Avis B. Christiansen
Lag: John Willard Peterson
Týtt: Zacharias Zachariassen
Upprunaheiti: How can it be? How can it be?

1. Áh, Harri, tá mítt eyga sær
øll megnarundur, framd av tær,
ta miklu stjørnufjøld á nátt,
tín guddómsríka skaparmátt
– at hugsa tá: „Tú elskar meg!“,
er fyri meg ófatandi!

Niðurlag: Ófatandi, ófatandi,
at Gud skal enntá elska meg,
er ófatandi!

2. Tá eg við krossin boyggi meg
og tornakrýndan síggi teg
og skoði særda likam títt,
títt blóð úr síðu renna strítt,
– og veit, tú leið alt fyri meg,
tá rópi eg: ófatandi!

3. Ófatandi, ófatandi,
nei, ei finst slíkur kærleiki!
Frá hægstu dýrd til djypsta vei
í guddómskærleika tú steig,
frá synd og skomm at frelsa meg,
ófatiligi kærleiki!

FavoriteLoadingGoym tekstin