Áh, kann tað vera satt, at eg fekk lív í blóði Frelsarans?

Orð: Charles Wesley
Lag: Thomas Campbell
Týtt: Anna Fuglø Rodda
Viðmerking: Upprunaliga yrktur í 1738.
Upprunaheiti: And can it be that I should gain

1. Áh, kann tað vera satt, at eg
fekk lív í blóði Frelsarans?
Læt hann sítt lív, júst fyri meg,
sum voldi kvøl og deyða hans?
Áh, undurfulli kærleiki:
Tú, doyði, Gud mín, fyri meg!
Áh, undurfulli kærleiki:
Tú doyði, Gud mín, fyri meg!

2. Í deyðan Lívsins Harri fer:
Ein gáta, ei kann greiðast frá!
Guds einglaherur undrast her
og fatar ei Guds kærleiksráð!
Alt er bert náði! Jørðin: Hoyr!
Lat einglar Guds ei spyrja meir!
Alt er bert náði! Jørðin: Hoyr!
Lat einglar Guds ei spyrja meir!

3. Av trónu Faðirs síns hann steig:
Áh, undurfulla kærleikshav!
Hann fyri Ádams ætt jú leið
og lýðin seg í deyðan gav!
Ja, náði bert, so rík og frí,
hon fann meg, bundnan leinkjum í!
Ja, náði bert, so rík og frí,
hon fann meg, bundnan leinkjum í!

4. Fjøtrað mín sál so leingi lá
í døpru, myrku syndanátt!
Tú kveikti ljós, so klárt eg sá,
tú vakti meg og gavst mær mátt.
Leinkjurnar loystust tá av mær,
eg reistist upp og fylgdi tær!
Hvør leinkja loystist tá av mær,
eg reistist upp og fylgdi tær!

5. Eingin fordøming hóttir nú,
tí Jesu rættferð er nú mín!
Í mær Guds Sonur festi bú
og gav mær allan ríkdóm sín!
Djarvur eg Gudi komi nær,
og Jesus krúnu rættir mær!
Eg djarvur Gudi komi nær,
og Jesus krúnu rættir mær!

FavoriteLoadingGoym tekstin