Áin

Orð: Karsten Hoydal
Lag: Frits Johannesen

1. Fóru dagar handan bak,
teir sum bygdu mína barnaverð,
men alt stórt, sum inn í hugan rak,
livir frískt og fult av undurgerð.

2. Hond, ið ráddi míni leið,
varin hond, hon følist enn so eym,
hond mín var í henni, tá eg steig
fyrsta sinni út í áarstreym.

3. Fyrsti kaldi hvøkkur av,
undrandi eg síggi mínar tær,
báðir føtur farnir undir kav,
skaptir um og stórir standa har.

4. Flættar streymur seg um bein,
lokkar eygað við sær longur út
hagar áin dýpist møk og rein –
nú er slóknað øll mín fyrsta sút.

5. Vígdur ánni har eg stóð,
hoyrdi fossin kvøða skamt ífrá, –
hond, ið helt mær, vatnsins ríka ljóð
eru nærri enn tey vóru tá.

FavoriteLoadingGoym tekstin