Andarhald

Orð: Anker Eli Petersen
Lag: Terji Rasmussen

Darrandi roði,
ein fuglur á flogið,
á skýggjunum hómast
ein silvurlitt rond.

Tølandi friður
nú sólin fer niður,
dregur á eitt andarhald
við tína løttu hond.

– Og hesa løtuna
kenni eg meg,
aftur í tíðini
tá eg hitti teg.

Lokkur av hári
ein farri av vári,
tú brosar og dregur
meg niður at tær.

Eg haldi eg kenni
hvørt brá um títt enni,
hugsi eg, tá tú smoyggir tær
tætt inn ímóti mær.

– Og hesa løtuna…

Tølandi friður
og sólin fór niður,
kom nú mín elskaða, elska við mær!

FavoriteLoadingGoym tekstin