Arbeið, tí náttin kemur

Orð: Annie L. Coghill
Lag: Lowell Mason
Týtt: Jákup Dahl
Upprunaheiti: Work, for the night is coming
Viðmerking: Victor Danielsen hevur gjørt eina aðra týðing, sum sæst her.

1. Arbeið, tí náttin kemur,
arbeið, tá rísur sól,
arbeið, tá døggin glitrar
morgunfrísk um hól.
Harrin til arbeiðs bjóðar,
kall títt er dýrt og hátt,
stórt er verkið at inna,
dagur líður brátt.

2. Arbeið, tí náttin kemur,
rbeið um middagstíð,
lat ikki dagsins møði
minka starv og stríð.
Minst til á hvørji løtu,
at tað er Harrans verk;
um tyngist tær á føti,
er Harrans náði sterk.

3. Arbeið, tí náttin kemur,
arbeið, tá setur sól,
arbeið, tá myrkrið sígur
yvir skýmdan hól.
Liva til Harrans æru,
nýt hvørja løtu væl,
so skal, tá nátt er komin,
hvíldin vera sæl

FavoriteLoadingGoym tekstin