Jesus, Tú, mín leiðarstjørna

    Orð: Maria Jacobsen
    Lag: Bjart várs Faðirs náði skínur

    1. Stjørna bjørt á myrkum vegi,
    Jesus, ert Tú vorðin mær.
    Náttin víkja má for degi,
    eri eg bert nær hjá Tær.

    Niðurlag: Jesus, Tú, mín leiðarstjørna
    trygt meg føra skalt á mál.
    Lat so villar bylgjur bróta,
    eg meg leggi í Tín favn.

    2. Tá ið forðum vísmenn gingu
    uttan mál og uttan mið,
    brádliga á Himli lýsti
    stjørnan bjarta, gav teim frið!

    3. Eftir tað so trygt teir gingu,
    lótu hana leiða seg.
    Einki kundi burt teir villa,
    stjørnan bjarta vísti veg!

    4. Ert tú sum teir gomlu vísmenn,
    gongur tú á myrkum stað?
    Lít mót Himli! Stjørnan blanka
    lýsir líka bjørt í dag!

    5. Tá títt eyga hana skoðar,
    rætt sum teir – tað sama ger!
    Lat bert stjørnuna teg leiða,
    – ikki hesa tómu verð!

    Jesus besti vinur mín, sum fylgist við mær her

    Orð: Annikka Færø
    Lag: Poul Færø

    1. Jesus besti vinur mín, sum fylgist við mær her,
    leiðin ber um fjøll og djúpar dalar.
    Alt eg beri til tín, mangt á vegnum ofta er,
    tosi við teg og við meg tú talar.

    2. Gleðist eg um lívið, tá ið alt so fagurt er
    og tá eg mítt dagsins yrki geri.
    Alt við Harran luti eg, hann fylgist við mær her,
    neyð og stúran, alt eg til hann beri.

    3. Signingar so fagrar ríkt tú stroyðir á mín veg,
    Tøkk at tú mær gavst øll míni kæru.
    Harri, tøkk, á krossinum har gavst tú sjálvan teg,
    gev at eg kann liva tær til æru.

    4. Troyttist eg á vegnum, Harri, lat meg minnast tað,
    troystin er at finna í Guds orði.
    Lurti eg hvat hevur tú at siga mær í dag?
    Styrki til hvønn dag mær hevur borið.

    5. Einki er ov smátt og einki ov stórt fyri hann,
    hvønn ein spurning mentur er at loysa.
    Geva frið í sál og sinniðJesus eina kann,
    tá ið lívsins stormar um meg leika.

    6. Jesus sum sín vin at at eiga gleðiligt tað er,
    tá gerst lættari hvør lívsins løta.
    Hann kann greiða vegin, sum eg gangi eftir her,
    Fylgist eg við honum, sløtt gerst gøta.

    7. Hjálp mær, Harri, ganga tínum fótasporum í,
    nær hjá tær, so aldri eg tað gloymi.
    Lata meg heilt fylla til at tæna alla tíð,
    vera ljós í hesum myrka heimi.

    8. Skjótt er skeiðið runnið og eg fái ferðarboð,
    heim í fagran bústað meg tú kallar.
    Gud tú gavst tín son, tí heimin elskaði tú so,
    Tann, ið trýr, fær lív í ævir allar.

    Jesus, undurfullur ert tú mær

    Orð og lag: Aage Samuelsen
    Týtt: Róðin Thomsen
    Upprunaheiti: Jesus, underfull Du er for meg

    1. Jesus, undurfullur ert tú mær,
    nú mítt hjarta frøast vil í tær!
    :,: Vakrastur tú fram um túsund er,
    fylgir mær, hvar fótur mín meg ber.:,:

    2. Jesus, takk tú doyði fyri meg,
    tá tú sjálvur lív títt ofraði!
    :,: Takk øll náði, miskunn frá tær er,
    og hvønn dag tú altíð hjá mær ver! :,:

    3. Bikar frelsunnar eg hevja vil;
    øðrum vísa, hvønn eg hoyri til.
    :,: Eg um teg vil øllum siga frá:
    at hvør syndari kann frelsu fá. :,:

    4. Lat meg vera tær til reiðar, tá
    eg skal fara hesum foldum frá!
    :,: Skjótt tú tíni flytur heim ein dag
    til Jerusalem – hin nýggja stað. :,:

    Jesus hevur sett á borð

    Orð og lag: Charles B. Widmeyer
    Týtt: Hákun Djurhuus
    Upprunaheiti: Come and dine

    1. Jesus hevur sett á borð,
    komið øll úr suðri, norð,
    kom og tak, so ljóðar boðið til hvønn gest,
    meir enn manna bjóðast tær,
    mat í yvirflóð tú fær,
    áh, hvør gott at vera við til slíka fest.

    Niðurlag: Jesus kallar, tann, ið hungrar, kom til mín,
    far til borðs og et og drekk, tað er til tín.
    Hann, sum vín av vatni ger,
    enn í dag hin sami er,
    og hann bjóðar øllum treingjandi til sín.

    2. Har við vatnið hina ferð –
    náttin langa liðin er –
    Jesus kemur tá til teir, sín lítla flokk:
    „Setið garnið út, og tá
    skulu nógvan fisk tit fá!“
    Har, sum Jesus kemur, verður altíð nokk.

    3. Jesus kendi teirra neyð,
    og hann gav teim dagligt breyð,
    meir enn tað, hann var teim himmalbreyð hartil.
    Kom til Gud við tíni trá,
    um tú biður, skalt tú fá.
    Trúgvin fær til svar: Tær veri, sum tú vil.

    4. „Føð mín seyð, so ljóðar tað
    til hvønn tænara í dag,
    sum meg elskar, og sum frelsuboðið ber;
    sum mín Faðir sendi meg,
    so vil eg nú senda teg.
    Far og sig teim: Komið, alt til reiðar er!“

    Jesus hann lovar at vera hjá mær

    Orð og lag: Kerstin Moll
    Týtt: Anita Tausen
    Upprunaheiti: Glede

    1. Jesus hann lovar at vera hjá mær,
    hvønn ein dag.
    Tí tosi eg hvønn dag við Jesus,
    og tað gleðir meg.

    Niðurlag: Gleði í Jesusi eg havi nú,
    gleði, ja, sjálvt tá meg okkurt tyngir.
    Gleði, mítt hjarta flýtur yvir,
    tí Jesus, hann er vinur mín.

    2. Jesus bjóðar børnum at koma heim
    í Himmalin.
    Har er so vakurt, og einglar syngja
    prís og tøkk til Hann.

    Jesus, mín bøn er, at eg kann sjá

    Orð og lag: Kristin Voll Tesdal
    Týtt úr svenskum: Hallgrim Miðberg

    1. Jesus, mín bøn er, at eg kann sjá,
    meiri mín veikleik, meir mína synd.
    Tú gerst størri, eg skal minka,
    mær tørvar hjálp, og tú sigur við meg:

    Niðurlag: „Kom til mín, tú sum strevar,
    kom til mín og fá frið,
    kom til mín og fá hvílu.“

    2. Jesus, mítt lív eg geva vil,
    so eg kann tæna tær alla tíð.
    Nýt meg sum amboð í tíni hond,
    so eg kann bera tey boðini út:

    Niðurlag: Far til hann, tú, sum strevar,
    far til hann og fá frið,
    far til hann og fá hvílu!

    Jesus tær býður: Kom til mín!

    Orð og lag: Tim Spencer
    Týtt: Árni Jacobsen
    Upprunaheiti: Open your heart

    1. Jesus tær býður: „Kom til mín!
    Tak mót tí frelsu, ið rætt er til tín,
    lív títt við míni náði krýn,
    kom, inn á hin smala vegin nú trín.“

    Niðurlag: Tak í Jesusar særdu hond,
    hann vil vísa tær veg.
    Vinur tær trúgvur verður hann,
    sum trygt gjøgnum lívið leiða teg kann.
    Gev honum lív títt nú!

    2. Vend tær til hann, ei drála meir,
    sum tú ert kom til hann!
    Gev honum hjarta, sál og sinn,
    í hansara ørmum hvílu tú finn.

    Jesus, tú mín gleði

    Johann CrügerJohann Sebastian Bach
    Orð: Johann Crüger
    Lag: Johann Sebastian Bach
    Týtt: Árni Jacobsen

    1. Jesus, tú mín gleði,
    hjartans fjalda megi,
    prýði mínar sál.
    Áh, hvør langt og leingi
    skal mítt hjarta bangið
    tráa fram á mál
    heim til tín, ja, brúðgóm mín?
    Uttan teg á foldum vera
    gleði ei kann bera.

    2. Vík burt sorgarandi,
    horvin er nú vandi
    – Jesus gjørdi ljóst.
    Ei eg óttist longur,
    søtur heimlandssongur
    fyllir nú mítt bróst.
    Tolast má her spott og háð.
    Verður sjálvt á dimmum vegi
    Jesus, tú mín gleði!