Harri, tú ræður himli á

    Orð: Oliver Wendell Holmes Sr.
    Lag: H. Percy Smith
    Týtt: Jóhan við Neyst
    Upprunaheiti: Lord of all being, throned afar

    1. Harri, tú ræður himli á,
    øll dýrd tín lýsir stjørnum frá.
    Sjálvt um tú ert altvaldandi,
    ert tú tó nær og leiðir meg.

    2. Tú ert mítt ljós á leiðini,
    sum altíð skínur á mín veg.
    Tá vónarinnar stjørna brann,
    hon náttarmyrkrið yvirvann.

    3. Á miðju nátt títt smíl er nær,
    um dagin sál mín miskunn fær.
    Mær ælabogin tekin er
    um stóru náði tína her.

    4. Harri, tú alheims skapari,
    títt kærleiksljós tað vermir meg.
    Skjótt frammanfyri hásætið,
    eg takki tær, tú, heilagi.

    5. Sannleikans anda gev tú mær,
    so hjartað brennur fyri tær.
    Og lat tín vilja fáa meg at lýsa,
    loga fyri teg.

    Mong ganga tyngd

    Jógvan við Keldu
    Orð og lag: Jógvan við Keldu

    Mong ganga tyngd í iva um alt,
    trilvandi søkja, tað sum er fjalt.
    Kenna seg gloymdan, fjónað og tøld.
    – Lívsleiðin kennist køld.

    Men ein dag eitt ljós varð kveikt fyri teg,
    tá ið Kristus á Golgata gav seg.
    Frið fingu friðleys, sorgartyngd glað.
    – Nátt vend til bjartan dag!

    Goyma tú kanst, tú ónøgdur er,
    lata sum um, ei byrði tú ber.
    Kanska tú nívdur, viðgongur ei
    – tó ynskir Harrans leið.

    Hann elskaði meg fyrst

    Orð: T. O. Chisholm
    Lag: Harold A. Miller
    Týtt: Jóhan við Neyst

    1. Hann elskaði meg fyrst,
    og tað var tí hann doyði í mín stað.
    Hann tysti, gav upp anda sín.
    Hans kærleiki kom fyrst til mín.

    2. Tað nam meg ei, sjálvt um at eg,
    sá Jesus doyggja fyri meg.
    Sum harðnað stál mítt hjarta var,
    ei búði nakað gott í mær.

    3. Ótakksamur eg burtur rann,
    og lætst sum ei, eg hoyrdi hann.
    Eg spottaði mín Frelsara
    hin líðandi og krossfesta.

    4. Men dagur kom, tá eg á knæ
    við Jesu føtur græt og bað.
    Og navn mítt var á klettin rist,
    tí at hann elskaði meg fyrst.

    Hvør á Harrans síðu

    Orð: Frances R. Havergal
    Lag: Caradog Roberts
    Týtt: Zacharias Zachariassen

    Hvør á Harrans síðu fram seg stilla vil?
    Hvør hitt góða stríðið frítt seg bjóðar til?
    Hvør vil heimin vraka? Hvør vil siga: Nei!
    Greiða støðu taka, ganga Harrans leið,
    vit á Harrans síðu, náði tíni við,
    fram nú vilja stíga, nær at tíni lið!

    Fjart frá tær vit stóðu, full av sorg og sút,
    men við tínum blóði loyst vit eru út.
    Tann, ið til tín kemur, fylling tína fær,
    vilja tín hann fremur, eggjaður av tær.
    Edurloyst, útfríað, náði tíni við,
    vit í hernað stíga, nær við tína lið!

    Fremmand her at vera, kend, sum ikki fyrr,
    vald hans boð at bera, sett í kongsins hirð.
    Burt úr Harrans heri rekiðsvøvn og rús,
    eldhugað nú verðið, trúføst, djørv, og fús.
    Varða okkum, Harri, náði tíni við,
    støðuføst og nærri, nærri tíni lið.

    Hvast kann stríðið vera, sterkur fíggindin,
    kongsins orð tó gera vísan sigurin.
    Halt tí á ótroyttur, fylkist øll um hann,
    sannleikin óbroyttur aldri vikast kann.
    Glað á tína síðu, náði tíni við,
    vit í vápnagnýið stíga, tær við lið!

    Sannhjartað, heilhjartað, trúføst og lýðin

    Frances Ridley HavergalVictor Danielsen
    Orð: Frances Ridley Havergal
    Lag 1: Frances Ridley Havergal
    Lag 2: Josiah Booth
    Lag 3: George Coles Stebbins
    Týtt: Victor Danielsen
    Upprunaheiti: True-hearted, whole-hearted

    1. Sannhjartað, heilhjartað, trúføst og lýðin
    ynskja vit, Jesus, at vera mót tær
    og undir merkinum tolin og íðin
    stríða og vinna, tí hvílan er nær!

    Niðurlag: Arbeið við gleði!
    Skjótt aftnar dagur;
    syng honum lovsong og stríð fyri hann,
    vís honum trúskap, tæn honum glaður,
    honum, sum lívið so dýrt okkum vann!

    2. Sannhjartað, heilhjartað, fullasta lýdni
    vilja vit hereftir lata hann sjá;
    mansliga virkan og sonarligt ídni
    sjálvboðið, frítt skal sum offur hann fá.

    3. Sannhjartað, heilhjartað vilja vit, Harri,
    undir títt vald leggja kenslur og alt,
    ráð tú her eina og drag okkum nærri
    til tín, og æruna eiga tú skalt!

    Sum ein sterkur streymur

    Orð: Frances R. Havergal
    Lag: James Mountain
    Týtt: Victor Danielsen

    1. Sum ein sterkur streymur
    Harrans friður er;
    blíður, djúpur, eymur,
    stilt hann hjartað ger,
    tekur til í megi,
    breiðkast dag um dag –
    djúpa hav av gleði,
    søta hvíldarstað!

    Niðurlag:
    Í Guds fyrijáttan
    sálin hvílu fann;
    aldri vikast sælan,
    sum er bygd á hann.

    2. Barnið hans, sum varðað
    trygt í hond hans lá,
    fíggindar ei særa,
    svíkjarar ei ná;
    stúran, møði, skundur,
    kennast ikki har,
    lívsins døpru stundir
    ljósna fyri mær.

    3. Hvør ein roynd, hvør gleði,
    send av Himli er;
    fyri hjálpardegi
    sorgarnáttin fer;
    tann, sum fult út sá hann,
    leit á hann ódeilt:
    Tann, sum fult leit á hann,
    fann hann trúgvan heilt.

    Faðir heilagi, í náði

    Orð: Isabel Stephana Stevenson
    Lag: Ethelbert William Bullinger, Robert Prescott Stewart, Ebenezer Prout
    Týtt: Victor Danielsen

    1. Faðir heilagi, í náði
    hoyr tú okkum nú,
    vári kæru, skild frá okkum,
    varði tú!

    2. Jesus, Harri, ver hjá teimum,
    loðsur, ljós teim ver,
    vend í styrki teirra veikleik –
    áh, tey ber!

    3. Tyngir sorg tey, hóttir vandi,
    eru einslig tey,
    hygg í náði á tey, lina
    teirra neyð!

    4. Frelsugleði tín, hon veri
    teirra hvíldarstað,
    so tey elska teg, tær prísa
    dag um dag!

    5. Halgi Andi, ger tey heiløg,
    hvíl teim hvønn dag á,
    náði send, so sigur tey í
    stríðnum fá!

    6. Faðir, Sonur, Halgi Andi,
    ver teim sjálvur nær,
    signa, leið tey, frels tey, goym tey
    nær hjá tær!

    Mín Hirði góður Harrin er

    Victor Danielsen
    Orð: Francis Rous
    Lag: Jessie S. Irvine, George T. Smart, Purcell J. Mansfield
    Týtt: Victor Danielsen

    1. Mín Hirði góður Harrin er,
    tí fattast einki mær,
    til grønar fløtur leiðir hann
    og hvíldarvøtn hjá sær.

    2. Hann lívgar mína troyttu sál,
    og fram hann leiðir meg
    á rættferðvegi, sær til prís
    og æru fyri seg.

    3. Um eg í deyðans skuggadal
    enn niður fara má,
    eg óttist ei, meg keppur tín
    og stavur ugga tá.

    4. Tú reiðir fyri mær eitt borð,
    so fíggindin tað sær,
    við olju salvar tú mítt høvd,
    mítt bikar ov fult varð.

    5. Bert gott og miskunn fylgja skal
    mær allan lívsins dag,
    og í Guds húsi eigi eg
    í ævirnar ein stað.

    Jesus, halt mær við tín kross

    Orð: Fanny Crosby
    Lag: William Howard Doane
    Týtt: Victor Danielsen

    1. Jesus, halt mær við tín kross!
    Har ein kelda fløðir,
    sum frá synd ein reinsan er,
    sorg og pínu grøðir.

    Niðurlag: Krossurin, krossurin
    øll mín æra veri,
    til eg tær í Himlinum
    betri prís fram beri!

    2. Har við krossin, skelvandi,
    tú, áh, Harri, fanst meg,
    har við tínum kærleika
    fast til tín tú bantst meg!

    3. Áh, Guds Lamb! Á krossinum
    eg teg síggi hanga;
    í hans skugga hvønn ein dag
    lær tú meg at ganga!

    4. Nær hjá krossinum eg nú
    leingjast vil og bíða;
    brátt í skýnum kemur tú,
    skjótt tær stundir líða.

    Við krossin tín, áh, Jesus

    Victor Danielsen
    Orð: Elizabeth C. Clephane
    Lag: Ira D. Sankey, Frederick C. Maker
    Týtt: Victor Danielsen

    1. Við krossin tín, áh, Jesus,
    eg finni tryggan stand,
    sum klettur mikil skuggar hann
    eitt brent og turkað land!
    Eitt Elim søtt í oyðimørk,
    eitt vell á turrum veg,
    í stríðinum ein hvíldarstað
    við krossin finni eg.

    2. Áh, tryggi, sæli skjøldur,
    áh, skýli, roynt og søtt,
    har rættvísi og kærleikur
    hvørt øðrum hava møtt!
    Tað, Jákup sá í dreyminum,
    eg síggi uppfylt her:
    Frá krossinum til Himmals upp
    ein stigi reistur er.

    3. Og hinumegin krossin,
    men krossins skugga í
    eg síggi eina myrka grøv,
    sum gapar djúp og víð;
    men breiddur út ein favnur er
    á harða krossinum,
    har hongur hann, sum frelsti meg
    frá deyða ævigum.

    4. Ja, har á krossins træi
    við undran síggi eg
    hann hanga, særdan, bløðandi,
    sum doyði fyri meg!
    Og tá við tárum hjarta mítt
    má sanna undur tvey:
    Eitt er, áh, Gud, tín kærleiki,
    og eitt mín synd og neyð!

    5. Við krossin tín, áh, Jesus,
    er hvíldarstaður mín,
    tann sól, ið lívgar hjarta mítt,
    er eina ásjón tín!
    Ei heimurin, bert, Harri, tú
    ert ogn og skattur mín,
    mín vanæran og skommin er,
    mín heiður krossur tín!