Vit í talu og sangi nú heilsa tær her

    Britt Rasmussen
    Orð: Britt Rasmussen

    Vit í talu og sangi nú heilsa tær her
    kæri landsmaður vælkomin ver.
    Her tann Harra at minnast, sum vann teg so dýrt
    læn mær oyrað hvar enn tú so býrt.

    Jesus upprisin er, tí til Himmals tað ber,
    og tað vilja vit siga tær her.
    Verð ei ov seinur, lurta, hann er nú í nánd,
    hygg á hann, sum kann slíta øll bond.

    Nú er veturin farin, hvør skuldi tí trú
    at tað, sum lá so følnað og turt.
    Aftur livnaði upp og so grønt stendur nú
    og tær boðar um bara tú trýrt.

    Mangan her niðri heiðraður maðurin er,
    fyri dygd og tað verk, sum hann ger.
    Men hvønn dag okkar eyga eitt skaparverk sær
    ongan heiður tann skaparin fær.

    Boygg teg tí nú í dag og til kallið sig ja,
    tá vit hittast í Himmalsins stað.
    Prís og heiður til hann, sum so dýrt okkum vann
    Halleluja og takk tú meg fann.

    Kom syngið hart um Fámará

    Britt Rasmussen
    Orð: Britt Rasmussen
    Lag: Tað var ein fagran summardag

    Kom syngið hart um Fámará
    ja, syngið bæði stór og smá.
    Ein sang, sum hoyrist víða hvar
    so skjótt tey fáa jaligt svar.

    So einsamalt og oyði lá
    tá parið hetta staðið sá.
    So órøkt, rustað, brotið, bart
    nei eingin hevði hetta vart.

    Har herjað hevði mong ein ódn,
    men ikki sást tú nakran Bjørn,
    sum fjálgaði um henda blett,
    nei alt har var av rustið reytt.

    Í ár so mong burt goymt og gloymt
    at festa aftur varð ei droymt.
    Har rýmt var undan stóru skuld,
    sum var út yvir okkum huld.

    Men so ein dagin hendi tað
    Johan og Rakul spent og glað,
    tey sóu tað, sum ikki var
    og móti hesum máli bar.

    Men bjørnin hon sum lá í hi
    nú vaknaði og rassast við.
    Nei, hetta ber als ikki til
    og forða hesum eg nú vil.

    Ei ævintýrið liðugt er,
    vit vóna at tit sigra her.
    Og geva øðrum sama tjans
    sum Rúna áðrenn hetta svans.

    Mín Jesus, mín hirði

    Orð og lag: Darlene Zschech
    Týtt: Britt Rasmussen

    Mín Jesus, mín hirði, ikki finst ein sum tú.
    Hvønn lívsins dag prísa vit glað
    tí kærleika, ið veittur varð.
    Mín gleði, mín verja, borg mín og skjøldur tú ert,
    alt, í mær er, hvørt andadrag,
    altíð tær vil prísa hátt.

    Rópa av frøi, syng fagnaðarsong,
    heiður og hátign til konganna Kong!
    Fjøll, rópið glað, brúsi hvørt hav,
    tá títt navn verður nevnt!
    Fegnast eg má um alt handaverk títt,
    kærleiksband ævigt við teg nú er knýtt.
    Einki kann metast við lyftini, tú mær gav.

    Hátign tín, alveldis Kongur mín

    Britt Rasmussen
    Orð og lag: Jan Honningdal
    Týtt: Britt Rasmussen
    Upprunaheiti: Fader, Sønn og Hellig Ånd

    Hátign tín, alveldis Kongur mín,
    jørð og hav og himmal,
    alt er skapt av tær.
    Hátign tín, alveldis Kongur mín,
    tú, mín frelsuklettur,
    eitt verndarskjól so trygt.
    Vit nú tilbiðja teg, vár Jesus,
    hvørt eitt knæ skal boyggjast fyri tær.
    Vit nú tilbiðja teg, vár Jesus.
    Eingin er sum tú,
    nei, eingin er sum tú.

    Hann hevur valdið

    Britt Rasmussen
    Orð og lag: Ókend/ur
    Týtt: Britt Rasmussen

    Niðurlag: Hann hevur valdið,
    hann vil geva tær sína kraft.
    Yvirflóð av gleði fært tú, áh, ja.
    Hygg tí upp og óttast ei,
    Jesus biður fyri tær.
    Hann er ei umbroyttur, nei,
    hann hevur valdið.

    1. Um alt er myrkt og dapurt,
    trupulleikar herja á,
    Himmalin, hann kennist stongdur,
    ongan útveg tú kanst sjá.
    Men tá finst ein leið at ganga
    í og gjøgnum Jesu blóð.
    Tú til hásætið fært atgongd,
    Jesus valdar enn í dag.

    2. Jesus bar tína sjúku,
    hann tók tína straff,
    tá blóðið rann á krossi,
    og hann knústi deyðans makt.
    Tí hann Leyvan er av Juda,
    Guds einborni Sonur er,
    Kongur konga, Harri harra,
    og hann valdar her í dag.