Lyftið eygum okkara móti fjøllum

    Orð og lag: Felix Mendelssohn
    Týtt: Charlotta á Váli Olsen
    Upprunaheiti: Lift thine eyes

    Lyftið eygum okkara móti fjøllum,
    tí hvaðani kemur hjálp okkara?
    Mín hjálp kemur frá Harranum,
    sum skapt hevur himmal og jørð!
    Fótur mín skal aldri, aldri snáva.
    Mín Verji skal aldri blunda,
    aldri, skal aldri blunda,
    aldri blunda!
    Lyftið eygum okkara móti fjøllum,
    tí hvaðani kemur hjálp okkara?
    Tí hvaðani kemur hjálp okkara?

    Vit prísa tær, Faðir, at Sonin tú gav

    Orð: Brita á Váli Smith, Charlotta á Váli Olsen og Ólavur á Váli
    Lag: Peter Sandvall

    1. Vit prísa tær, Faðir, at Sonin tú gav,
    úr trældómi okkum út at fría.
    Á krossi okkum frið hann vann,
    og blóð hans har rann.

    2. Hann gevur nú frið sín í hjarta og sinn
    og biður okkum ikki óttast,
    men bera alt fram fyri hann
    í bøn og við tøkk.

    3. Vit takka tær, Frelsari, fyri tann frið,
    tann frið, hesin heimur ikki kennir.
    Hann ber ígjøgnum lívsins stríð
    og heim, heim til tín.

    Verdur ert tú allan heiður og æru

    Orð og lag: Arnold Børud
    Týtt: Charlotta á Váli Olsen
    Upprunaheiti: Värdig är du

    Niðurlag: Verdur ert tú allan heiður og æru,
    tú, sum meg keypti við blóði til Gud.
    Jesus, eg prísi tær, tín eg vil vera
    frá hesi stund, til eg komi heim.

    1. Jesus, tú mín lovsong eigur,
    tú, sum mær lív títt gav,
    teg vil eg æra sum mín Harra.
    Jesus, tú ert mítt alt.

    2. Jesus, uttan teg var lívið tómt,
    eg var fortaptur tá,
    men so tú gavst mær vón og frelsu,
    tí tú leið krossins deyð.

    Jesus kom at doyggja fyri teg

    Orð og lag: Arnold Børud
    Týtt: Charlotta á Váli Olsen
    Upprunaheiti: Jesus kom til jorden for å dø

    1. Jesus kom at doyggja fyri teg,
    kom av Himli, ofra læt seg her.
    Ja, á krossi mátti Kongur bløða
    til at bjarga falnu verð.

    2. Jesus kom at doyggja fyri teg.
    Langt frá Gudi vóru tú og eg.
    Men Gud hvønn ein syndara so elskar,
    at sín Son hann ofraði.

    3. Jesus kom at doyggja fyri teg,
    sigur vann á Satans óndu makt.
    „Alt er fullgjørt“, sigursrópið rungar.
    Alt er honum undirlagt.

    4. Jesus kom at doyggja fyri teg.
    Hann so dýrt við blóði okkum vann.
    Alt hann gav! So eymur hann nú spyr: „Hvat
    gevur tú til Frelsaran?“

    Guds djúpa kærleiks náðihav

    Orð og lag: Stuart Townend
    Týtt: Charlotta á Váli Olsen
    Upprunaheiti: How deep the Fathers love for us
    Viðmerking: E-durur

    Guds djúpa kærleiks náðihav
    So stórt, eg ei kann týða
    At Hann einborna Son Sín gav
    Eitt syndavrak at fría.
    Á, pína stór, Guds Sonur bar,
    Tá Gud Sítt andlit vendi burt.
    Hann eina dómin tók á seg,
    Mær pláss í dýrd at vinna.

    Hygg, Maður hongur krossi á,
    Mín synd á herðum liggur.
    Við fjøldini eg rópi tá:
    “Krossfest!” – Hann á meg hyggur.
    Tað var mín synd, Hann negldi har,
    Mín dóm, mítt bann, ja, alt Hann bar
    Sín síðsta andadrátt Hann dróg
    Og rópti: “Alt er fullgjørt!”

    Ei gávur, kraft, ei vídómur
    Kann mína sál útfría,
    bert Jesus, sum mín trúgv er fest,
    Á deyða Hans’ og uppreisn.
    Hví skuldi eg ei tikið mót?
    – eitt svar eg ei kann geva! –
    Við blóðið Hansara – eg veit –
    Mín sál er ævigt bjargað