Áh, kæri Gud og Faðir

    Orð: Hans Wang
    Lag: Hans Leo Hassler

    1. Áh, kæri Gud og Faðir,
    eg komi nú til tín!
    Tú veitst, ið hvat mær bagir,
    tú kennir sonin tín;
    eg vesaldóm og veikleik
    og armóð eigi bert,
    men tú í tíni náði
    kanst gera veikt til sterkt.

    2. Tú hevur latið skriva,
    og hetta stendur fast,
    at orðið títt skal liva,
    um jørð og himmal brast;
    Gud, lat tú hetta orðið
    nú lýsa fyri mær,
    so eg við hjartans gleði
    í øllum takki tær!

    3. Eg leggi sál og anda
    í hendur tínar her,
    í Orðinum man standa,
    at tú øll tíni ber.
    Og hetta er mín friður,
    og hann skal halda á,
    at tann, sær til tín vendir,
    hann altíð hjálp skal fá.

    4. Tað er so gott at kenna
    seg trygt í Harrans hond,
    tað er so gott at vita
    seg hava Harrans Ond,
    sum leiðir mínar føtur
    inn á hin besta veg,
    hará eg trygt kann ferðast,
    inntil eg síggi teg.