O, mín sál hon leingist aftur síggja

    Orð: Ókendur
    Týtt: Hjørleif Gaard

    1. O, mín sál hon leingist aftur síggja
    mangar sálir søkja Harran Guð,
    og í syndaneyð til Kristus flýggja
    og av náði hoyra Harrans boð.
    :,:Eg vildi so fegin, eg aftur nú sá,
    ein sál kom til krossin og har boygdi knø.:,:

    2. O, eg vil av hjarta aftur biðja
    hesa bøn, sum mær er vorðin kær:
    Harri, Tú mást nógvar sálir leiða
    á Tín veg, sum jú tann besti er.
    :,:Tú elskaði øll, ja, eisini meg,
    hjálp sálum at finna á frelsunnar veg.:,:

    3. Mangur kennir lívið tungt at vera,
    sálin hungrar og hon líður neyð.
    Men kom við til Hann, tann Góða Hirðan,
    sum tær geva vil sítt Lívsins Breyð!
    :,:Hví skalt tú tá stúrin og mótleysur gá?
    So ivast ei longur, men frelsuna fá:,:

    Í gjár, í dag, ja, alla tíð hin sami Jesus er

    Orð og lag: Aage Samuelsen
    Týtt: Hjørleif Gaard og Kajfinn Hammer

    1. Í gjár, í dag, ja, alla tíð hin sami Jesus er.
    Hann hjálpir tær, tá ið tú ert í neyð.
    Tá syndabyrðan tyngir teg,
    hann kemur tær so nær,
    tí hann vil bjarga tær frá synd og deyð.

    Niðurlag: Hann livir, ja, hann livir
    Kann aldri doyggja meir,
    og fyri tær hann biður
    til Gud í Himlinum.
    Ein náðikelda rein og klár
    hans krossi rennur frá,
    so tann, sum trýr,
    skal lív frá honum fá.

    2. Hin niðurboygda reisir hann,
    hin veiki finnur kraft !
    Hin vónleysi kann syngja sigurssong.
    Tey blindu síggja,deyvu hoyra,
    hin halti ganga kann,
    tey prísa vilja Jesus fram um alt.

    3. Gud býtir sínar gávur út
    til tey, sum hava trúgv,
    so Jesu navnið dýrd og heiður fær.
    Tá fær hin jarðarbundna trúgvin
    lív í yvirflóð,
    tí Jesus er í orðinum tær nær.