Eg við troyttum, særdum hjarta

    Orð: Ókendur
    Lag 1: Inga Simonsen
    Lag 2: Ókendur
    Lag 3: Óli Nicodemussen
    Týtt úr donskum: Victor Danielsen
    Upprunaheiti: Med et hjerte træt og såret

    1. Eg við troyttum, særdum hjarta
    komi, Frelsari, til tín,
    friðin, gleðina at fáa,
    sum tú keypti, vanst til mín!
    Tí eg veit, hvat verðin gevur:
    Fáfongd, steinar fyri breyð,
    og nú býður tú mær, Harri,
    ljós í myrkri, lív í deyð!

    Niðurlag: Mín Frelsari, eg komi,
    komi, komi,
    mín Frelsari, eg komi,
    eg komi nú til tín.

    2. Her við mínum sorgum, syndum,
    ótta, iva komi eg;
    boygg teg nú til mín í náði,
    søkka lat tín frið í meg!
    Allar byrðar av eg kasti,
    sál mín troytt av øllum er;
    tak meg, sum eg eri, Harri,
    frelsa, friður, lív mær ver!

    Sanna ungdómsgleðin er at kenna Gud

    Orð: Ókent svenskt tónaskald
    Lag: Fólkalag
    Týtt úr norskum: Inga Simonsen
    Upprunaheiti: Virkelig ungdomsglede

    1. Sanna ungdómsgleðin er at kenna Gud,
    ja, at vera frelstur og eiga hann til lut,
    meðan ein er ungur at ganga á tí veg,
    har sum Harrin sjálvur fylgist við mær her.

    Niðurlag: Takk, at tú meg frelsti, tá eg ungur var,
    takk, at blóð títt rann, ja, fyri okkum har.
    Takk, at tú gekst vegin til kvølfullan deyð
    fyri meg at frelsa út úr synd og neyð.

    2. Sanna ungdómsgleði verðin ei mær gav,
    nei, eg sakk bert djúpt í syndarinnar hav;
    men tú, Harri, fann meg, hjálp tú sendi mær,
    og í ungdómsárum fylgist eg við tær.

    3. Sanna ungdómsgleði tú ei fáa kann,
    um tú vrakar Jesus og ei velur hann,
    hann, sum lá og stríddist í Getsemane,
    og at enda lív sítt gav hann fyri teg.