Pengar

    Søgur eru mangan, so hendan
    sangin hoyr!
    Um at eiga pengar at
    vilja hava meir.
    Øll tosa um at spara
    at fáa betri ráð
    Eg veit eitt stað at fara
    ein vin eg líti á

    Tú kanst pella tú kanst tvassa
    Tú kanst trína tú kanst gassa
    Bjóða øllum tínum klassa
    Í veitsluna hjá tær
    Fínar skógvar klæðir passa
    Keypa ting til húsa dragsa
    Fylla uppí leikukassa
    Brúka alt tú fær

    Fyri pengarnar hjá tær
    Fyri pengarnar hjá mær
    Nei nei nei

    Kanska vit kunnu læra um lív og
    vøkstur her
    Tað er skilagott at spara tí ein
    morgindagur er

    Koyra súkkla ganga vassa
    Ikki oysla ikki svassa
    Seti so í pengakassa
    Pengarnar hjá mær
    Kenni ein klókan knassa
    Sum vil mínar pengar passa
    Tú kanst lata vinin bassa
    pengarnar hjá tær

    So tú fleiri pengar fær
    Til alt tað tú ætlar tær
    Ja ja ja

    Eitt hitt

    Orð: Steintór Rasmussen
    Lag: Ingi Isaksen

    Harúti segði vindurin
    vetrinum farvæl
    Hann leikti og gav íblástur
    til sang og gittarspæl
    Av ungum varrum duttu orð,
    frá hjartanum eitt lag
    Lat heimin geva pláss til øll
    og kærleika hvønn dag

    Pápin spurdi dreingin,
    hvør átti henda song
    Hvør skrivað hevði orðini,
    tey elska vildu mong
    Og mamman sat í stovuni
    og hugdi út á vág
    Hon murra kundi sangin,
    hann fremst í huga lá

    Í hjartanum ein sangur, á varrunum eitt lag
    Lat heimin geva pláss til øll og kærleika hvønn dag

    Drongurin hann vandi nógv,
    í studio fekk tíð
    Lagið tað var givið út,
    tað fór um bygd og bý
    Sangurin fekk veingir,
    um landið var eitt hitt
    Tey hvítu kundu syngja við
    og eisini svørt og litt

    Tá forsetin helt talu,
    milliónir lýddu á
    Tá røðan hon var liðug
    ein sangur hoyrdist tá
    Børn í øllum aldri
    sum sungu sama lag
    Lat heimin geva pláss til øll
    og kærleika hvønn dag

    Bara ein av mær

    Orð: Steintór Rasmussen
    Lag: Steintór Rasmussen og Ingi Isaksen

    Eg havi hol á knænum, á buksunum er bót,
    og lærarin kallar meg heimsins størsta rót
    Mamma sigur, systkin míni góvu onki stríð
    Hon suffar, og hon puffar, eg skilji ikki hví

    Eg eri ein av teimum, sum í reyvini er krút
    Nógv tey sita inni, men onnur vilja út
    Tá vit floyta bátar eg fái mangan skvamp
    og skulu vit ein biltúr so tosa tey um damp

    Spyrt tú meg hvør eri eg
    So vil eg svara tær
    At tað er í hesi verð
    bara ein av mær

    Eg skilji ei tey vaksnu, sum ofta hava gron
    Tey keglast um alt møguligt og eru álvarsom
    Og biðja okkum tiga og skikka okkum pent
    At vera barn er stuttligt, men ikki er tað nemt

    Árstíðir

    Orð: Steintór Rasmussen
    Lag: Ingi Isaksen

    Tunnur sum buldra um geilar í høll
    Í føstu er stuttligt tá ganga vit øll
    Grýlur um kvøldið sum klovnar og trøll
    Eg banki á dyrnar og røddin er snjøll

    Ritur og tjøldur hoyr fuglanna song
    Ljóst er um kvøldið spølini mong
    Vit sparka á vegnum og renna um teig
    Várið í blóma og smálomb í mai

    Summar og sólskin nú øll hava frí
    Vit súkla í býnum og klintrast í líð
    Ferðast við skipi vit fara so langt
    Stevnur og gestir tað handir so mangt

    Um heystið er mangan vindur og kalt
    Við ítrivi leikum teldum ja alt
    Á fjalli og fletting tað spennandi er
    Árið tað gongur við fúkandi ferð

    Kavin er komin við sletum og skíð
    Nú jólini nærkast ein hugnalig tíð
    Gávur og kertur eitt angandi træ
    Vit syngja og dansa og eru so glað

    Tann seinasta dagin fólk fara út
    Vit bresta og fýsa rakettir og krút
    Á midnátt er frøði øll standa klár
    Takk fyri farið vælkomið nýár

    Vinur mín Nósi

    Orð: Steintór Rasmussen
    Lag: Ingi Isaksen

    Í gjónni er eitt látur
    Har er eitt kópaheim
    Og har býr lítli Nósi
    Ein fittur klókur ein

    Og nósaomman sigur
    Mong kynstur kópur kann
    Ein góður tónasmiður
    Sum abbin verður hann

    Tað er gott at vera Nósi
    Har nógvur fiskur er
    At bólta sær á firðunum
    Og svimja frítt á ferð
    Spæla sær á nesunum
    Og sóla sær á flesjunum
    Eit lítil gløggur Nósi
    Hoyrir heima her

    Eg fór á flot við pápa
    Og gita hvat eg sá
    Jú, tað var lítli Nósi
    Ið fylgdi aftaná

    Eg tveitti honum smáfisk
    Og bríkslaði eitt lag
    Í gjónni hvarv tó Nósi
    Inn í sítt goymistað

    Tað er gott at vera Nósi
    Har nógvur fiskur er
    At bólta sær á firðunum
    Og svimja frítt á ferð
    Spæla sær á nesunum
    Og sóla sær á flesjunum
    Ein lítil gløggur Nósi
    Hoyrir heima her

    Í gjónni er eitt látur
    Og millum onnur trín
    Ja har býr lítli Nósi
    Sum nú er vinur mín

    Kræsin

    Orð: Steintór Rasmussen
    Lag: Ingi Isaksen

    Mær dámar ikki eplir mær dámar ikki rís
    Men mær dámar eplamos og bomm og allan ís
    Eg eti sjáldan rugbreyð og nerti ikki drýl
    Men eg eti winarbreyð keks og kakusmíl
    Eg drekki ikki kranavatn mjólk og kakaka
    Eg vil hava sodavatn coca colala
    Rullupylsa, kjøtpylsa, blóðpylsu á nei
    Eg vil hava fransbreyð við nógvum súltutoy

    Mær dámar ikki skerpikjøt, riv og annað feitt
    Eg toli ikki suppu ikki greyt og annat heitt
    Súrgað mjólk og jogurt tað er alt ov kalt
    Skinsakjøt og grísakjøt smakkar bert av salt
    Turran fisk, ræstan fisk, kókað ella steikt
    Mær dámar ikki fisk, laks og annað roykt
    Fish and Chips í grilluni í friturefeitt
    Og nógva remulátu tað er nummar eitt

    Hann vil ikki hava vanligan mat
    Hann er kræsin sum eg veit ikki hvat

    Mær dámar ikki súrepli, grape og appelsin
    Eg vil hava perir, banan og mandarin
    Ikki kinakál, tomatir, agurksalat og mais
    Seyðarhøvd og livur, mør og nýrasneis
    Havragrýn og musli eg havi fingið nokk
    Um morgunin er kosturin ein skál av sjokuflopp
    Matkassa og fruktposa hvat skal tað brúkast til
    Í skúla fái eg pengar við og keypi tað eg vil

    Puff, mín loynidreki

    Orð: Leonard Lipton
    Lag: Peter Yarrow
    Týtt leysliga: Steintór Rasmussen
    Upprunaheiti: Puff, the Magic Dragon

    Puff, mín loyni dreki
    Við fjørubakkan býr
    Eg gangi gjøgnum djúpan dal
    Inn í eitt ævintýr
    Puff eg gav tær gávur
    Segl og stuttlig ting
    Og Puff vit vinir blivu skjótt
    Vit komu vítt umkring

    Puff, tá eg var lítil
    Reið eg á tær
    Eg veitraði við halanum
    Tú svam so langt við mær
    Bláhvalir og nýsir
    Heilsa uppá teg
    Og skip við ránarum umborð
    Tey yvirgeva seg

    Puff, á fjørusandi
    Sól í havi søkk
    Ein skjaldbøka kom upp á land
    Hon fjalir síni egg
    Tropuvindur sjóðar krunkasvørt er nátt
    Við eydnuportrið tú og eg
    Lívið tað er gott

    Puff vit komu víða
    Vit sóu vøkur slott
    Har prinsar og prinsessur livdu
    Stórbært og so flott
    Kongur og hans drotning
    Ein ring frá teimum fekk
    Ein gandaringur hetta var
    Nú ringurin er vekk

    Puff, nú er tú eina
    Eg veit tú fellur tár
    Børn tey gerast vaksin skjótt
    Men drekar túsund ár
    Tær dámdi væl at spæla
    Altíð í góðum lag
    Men, Puff mín vinur burtur er
    Og barnalyndi, ja

    Trøllapætur syngur

    Orð og lag: Niclas Heri Jákupsson

    Hallóv øll børn í Føroyum,
    nú hava tit meg her.
    Eg eiti Trøllapætur,
    tit vita, hvør tað er.

    Níggju høvd eg havi,
    morreytt er mítt hár.
    Røddin hon er rotin,
    hon versnar hvørt eitt ár.

    Eg eiti Trøllapætur,
    mær dámar so væl børn.
    Á, sum eg eri gaður,
    at eg eri trøll.

    Nógvar trøllagentur,
    tær vilja mussa meg.
    Tær ganga runt og fjasast,
    tað er ikki eg.

    Eg elski bara mammu,
    hon er mítt eitt og alt.
    Hon ballar meg í mosa,
    Tá ið tað er kalt.

    20 robottar

    Orð: Steintór Rasmussen
    Lag: Ingi Isaksen

    Eg eigi 20 robottar teir eru kul teir eru space
    19 rúmdarmenn sum hava stuttligan heys
    18 supermenn sum bæði klatra og flúgva
    ein eiturkoppabý har 17 spidermenn búgva

    16 micromenn teir eru nokkso vell
    Mínir 15 monstermenn eru ikki fyri smábørn og grell
    14 legomenn, batmenn, flogmenn og hým
    13 prutlandi, og skvutlandi og hutlandi slím

    Men veitst tú hvat eg ynski mær nú
    At eg kundi havt tað líka sum tú

    Eg eigi 12 jólamenn og nissur eingin sær
    11 sjórænarar sum stjala víða og hvar
    10 actionmenn og 9 bandittar
    Eg útruddi teir via mínar satelittar

    8 dinosaurar 7 drekar spæli kríggj
    6 tanks ein herflota øll útgerðin er nýggj
    5 teknobilar, 4 missilar og 3 megaskjótar computarar
    2 sjónvarp eitt til Playstation og eitt til 6 í rútara

    Men veitst tú hvat eg ynski mær nú
    At eg kundi havt tað líka sum tú

    Hevði eg átt eina lampu eins og Aladdin
    Har eg kann ynskja mær alt, ja fullkomiliga alt
    Ja, ja, ja, ja, so kundi eg ynskt og valt
    peika mær á alt

    So kundi eg ynskt mær ein hund
    Og at tey vaksnu ikki altíð høvdu skund
    At eg átti ein raskan abba
    At øll børnini góvust við at happa
    Vitaminir til mín so eg var nummar 1 at tekna
    svimja sparka rokna spæla hondbólt og egna

    Skúlin

    Orð og lag: Steintór Rasmussen

    Í dag var aftur sól
    Hygg har fer lítli Pól
    Flennandi og rennandi veitrar sigur hey
    Skúlin er spennandi tá ið tú ert sjey

    Tað regnar í morgun
    Hygg har fer Torgunn
    Fjasandi og vasandi so hugagóð avstað
    Er fimti flokkur strævin
    So er mangan stuttligt ja

    Ein tíð við nógvum kulda
    Hygg har fer Hulda
    Droymandi og sveimandi fer hon húsum frá
    Lívið er mangt annað enn tað í áttinda

    Ein kaldur langur vetur
    Hygg har fer Petur
    Huffandi og suffandi til ein tíma fer
    Hann keðir seg men gleðir seg
    Til skúlin liðugur er