Jólakvøða úr Føroyum

    Orð: Martin Joensen
    Lag: Alabama (Jeffrey Cook, Teddy Gentry, Randy Owen og Mark Herndon)

    Í Sandavági kavar
    av møkum í dag
    Og suðuri í Vági
    nú ljómar jólalag

    Nú skýming er í Skopun
    og mánin sæst í ský
    Og kerturnar á Strondum
    nú bleiktra gluggum í

    Signaða hátíð
    Øll fløtan klødd í lín
    jólakvøðu úr Føroyum
    vit senda her til tín

    Nú fegnast børn í Tórshavn
    Tí hátíð er nær
    Í Vestmanna tey sita
    So fitt og hugna sær

    Í Klaksvík alt nú glógvar
    og gyllir frystan svørð
    Gævi gleðin vardi
    Og friður var á jørð

    Signaða hátíð
    Øll fløtan klødd í lín
    jólakvøðu úr Føroyum
    vit senda her til tín

    Í tøkum tíma

    Orð og lag: Martin Joensen

    Tað var í tøkum tíma
    tað var í evstu løtu
    tú trein inn um mína gátt
    júst sum dagur varð til nátt

    Her stóð alt til at rapa
    takið um at ríva
    glaðustrok um griman fjørð
    kavarok um frystan svørð

    Eg var handan sýnina
    hugdi yvir froysandi hav
    eg fór upp á fjallatind
    leitaði, tú vart ikki har
    rópaði, eg fekk einki svar

    Nú makaði hann vindin
    nú hvíla pøstar hvirlur
    himnaloftið purpurreytt
    aldan legst við tryggan klett

    Sum tú vart leingi burtur
    so drúgt tað var at bíða
    tú trein inn um mína gátt
    júst sum dagur varð til nátt

    Vetur í væntu

    Martin Joensen
    Orð og lag: Martin Joensen

    Vetur í væntu við doyvandi døgum.
    Tímarnir detta sum leyvið av trøum.
    Bóndin nú skimast í ættina,
    seyðurin rennur í rættina,
    – válari leitar upp hús.

    Hundurin gongur og treiskast í túni.
    Trøini teska við naknari krúnu:
    “Hvør hevur tikið sólina,
    søljuna og viólina?”
    Válarin bankar uppá.

    “Kom innar í stovu og lán mær tín hita,
    halt um meg og sig mær tað, eg ei vil vita:
    sig mær, um vinur mín elskar meg
    ella um hann fór ein annan veg?
    Halt um meg, nú nátt er í nánd!”

    Sera ser vísa

    Martin Joensen
    Orð og lag: Martin Joensen

    dallas disko dollars kvøldlot
    krúp inn í mítt knarvakot
    tú ein lítlan eg ein stóran
    koyr so restina í stjóran

    lívið er eitt hundalív
    fyri mann og mús
    fá tær eina runda vív
    og skunda tær til hús

    mimir kaggin keldan dropin
    lúr um hurðin stendur opin
    situr har inni við bálið í kvøld
    dukku-lisa ísakøld

    havnin er ein farlig havn
    fyri mann og mús
    dukku-lisu tak í favn
    og skunda tær til hús

    henda vísan er sera sera ser
    so eg haldi at
    eg endi hana her

    vestmenn hestmenn festmenn bestmenn
    reystmenn geva tær ein brest – men
    reis teg aftur halt so á
    til tú finnur lívsins reyða tráð

    lívið er eitt puslispæl
    fyri mann og mús
    um tað ikki eydnast væl
    so skunda tær til hús

    henda vísan er…

    Øld um øld er Guð hin sami

    Martin Joensen
    Orð: Kajfinn Hammer
    Lag: Martin Joensen
    Viðmerking: Yrktur í juli 2012 og lagið smíða í januar 2013.

    Øld um øld er Guð hin sami,
    broytist ei av tíðartonn;
    stjørnuhválvsins dýrdarglæmi
    fulnar Orð Hans rein og sonn.

    Ár um ár er Guð hin sami,
    tó mong stjørna veik av leið;
    endaleys Hans mekt og frami,
    lyfti Hans tey svitast ei.

    Dag um dag er Guð hin sami,
    faðirleysum faðir er;
    ráð og kærleiki Hans kvæmi
    hjálparleysum uppi ber.

    Stund um stund er Guð hin sami,
    Hann hin arma gloymir ei;
    alt ger heilt, ið liggur lamið,
    fyri meg í veð Hann steig.

    Smátt um smátt Hann fram meg leiðir,
    ja, um deyðans skýmda svað;
    neyðars likam mítt ábreiðir
    við eitt nýtt hin hinsta dag.

    Stýr tær!

    Martin JoensenJóhannus á Rógvu Joensen
    Orð: Martin Joensen
    Lag: Jóhannus á Rógvu Joensen

    Eitt fyrstafloks fríggjakvøld
    og ølin er ísakøld
    og vinirnir fyllast við borðið
    nú náttin er fesk og fús.
    Jú lívið tað skal livast
    men ikki bert í kvøld
    hav bilskil – stýr tær.
    Stýr tær – hav bilskil
    stýr tær.

    Vit mugu í býin nú
    og Jógvan spyr, koyrir tú?
    Og Jórun spyr, hevur tú drukkið?
    tú ert ikki idiot?
    Á, lívið tað skal livast
    minst hundrað ár aftrat
    hav bilskil – stýr tær.
    Stýr tær – hav bilskil
    stýr tær.

    Tú sigur at tað er gott
    tú smílist og svarar rátt.
    Tú veitst at eg elski meg sjálvan,
    eg vil ikki missa meg.
    Ein lovandi nátt við lít,
    tað er gott at tú ikki ert skít.
    Og heitur tú setist við rattið,
    tú stýrir jú øllum nú.

    Jú lívið tað skal livast,
    men ikki bert í kvøld,
    hav bilskil – stýr tær.
    Stýr tær – hav bilskil,
    stýr tær.

    Kálvsvísa

    Martin Joensen
    Orð og lag: Martin Joensen

    Tey siga, at eg einki skilji,
    – at Kálvur er uttan forstand.
    Men pápi mín sigur, at tað skal nokk ganga,
    um bert til Várharra eg helli mín vanga,
    men svara mær, skunda tær, hoyr:
    Svíður tað, tá ið mann doyr?

    Eg merki, at hjartað fær veingir
    tá klávusardóttir er nær.
    Eg fái ein koss, hon fær tvøst upp í grýtu,
    so tosa vit bæðu um mið og um ýti.
    Men svara mær, vinur mín hoyr:
    Svíður tað, tá ið mann doyr?

    Tit halda, at eg ikki tori?
    Tit siga, at eg ikki má?
    Men tað skulu tit slettis ikki bestemma,
    tí Kálvur er kønur at mussa og klemma,
    men svara mær, skunda tær, hoyr:
    Svíður tað, tá ið mann doyr?

    Eg komi mær ikki at giftast,
    í hvussu so er ikki enn.
    Tí hvat nú, um fólkini fara at flenna,
    og Klávusardóttir fer undan at renna?
    men svara mær, vinur mín hoyr:
    Svíður tað, tá ið mann doyr?

    Hin grái í myrkrinum spøkir,
    hann ætlar at taka meg við!
    Eg vóni Várharra hann niður vil binda,
    sjálvt um hann veit hvussu eg havi syndað,
    men svara mær, skunda tær, hoyr:
    Svíður tað, tá ið mann doyr?

    The first snow came this morning

    Orð og lag: Martin Joensen
    Føroysk týðing

    1. The first snow came this morning
    fell without a sound
    covered up your footprints
    and the colours on the ground
    the first snow came this morning
    fell without a sound

    2. Hear the peaceful breathing
    as the sound of wings
    I still feel you near me
    but where are you now?
    hear the peaceful breathing
    as the sound of wings

    3. Lights upon dark waters
    ships for harbour bound
    in the crowd I´m waiting
    whispering your name
    lights upon dark waters
    ships for harbour bound

    Time to Sleep

    Martin Joensen
    Orð og lag: Martin Joensen
    Føroysk týðing

    It’s time to sleep, another day has passed now, the night is at the door.
    I’m looking out on empty streets and moonlit meadows.
    It’s time to sleep.

    I miss you so, I miss your arms around me, I loved you so very much.
    Now the lights are out and the birds of night spread their wings,
    I wonder where you’re dwelling, it’s time to sleep.

    It’s time to sleep, my heart is getting weary in the quiet of the night.
    Then in the summer dreams you’re coming to my bedside and everything is all right.
    I miss you so.

    Vak meg ikki

    Martin Joensen
    Orð og lag: Martin Joensen

    Farnar røddir, horvin ljóð
    vitja meg í nátt
    gloymdar myndir sníkja seg
    inn um mína gátt
    vak meg ikki, verð varin nú
    bíða eitt lítið bil
    farnar røddir, horvin ljóð
    vitja meg í nátt

    Skuggagestir, skuggabørn
    dansa fyri mær
    men í mínum dreymum eg
    dansi bert við tær
    vak meg ikki, verð varin nú
    bíða eitt lítið bil
    skuggagestir, skuggabørn
    dansa fyri mær