Eitt friðarheim

    Orð og lag: Regin Guttesen

    Nógv hjartasár, nógv sorgartár
    í heiminum, sum frið ei veita kann
    Ein misti mátt, ein fall í fátt
    Mangt menniskja, sum onga lukku fann

    Men, Gud, Tín rødd
    tó nær var stødd
    Hon segði: “Hvíl hjá Mær”

    Eitt friðarheim Tú gjørdist teim
    sum djúpt í sál og sinni vóru nívd
    Tú veitti skjól, mær reiddi ból
    Í storminum Tú okkum vart ein lívd

    Nú lið um lið, stig fyri stig
    mót málinum vit ganga somu leið
    Børn, kvinnur, menn – um ymisk enn
    kom, rættið hond, um ein av vegnum gleið

    Og, Gud, Tín rødd
    enn nær er stødd
    Hon teskar: “Fylgið Mær”