Eg eri ferðabúgvin

Matthias JochumssonPetur Jacob Sigvardsen
Orð: Matthias Jochumsson
Týtt: Petur Jacob Sigvardsen
Viðmerking: Týddur í juli 2002.

1. Eg eri ferðabúgvin,
mín bøn til tín og trúgvin
er einkatilhald mítt,
o, Gud, mín hjálp og styrki,
eg stari beint í myrkrið,
um mær ei lýsir ljósið títt.

2. Tað bjarta ljós meg leiði
og mínar gøtur greiði,
um glatan grandar meg.
Í logn og stormi stríða,
um bø og brattar líðir
– í Harrans hondum eri eg.

3. Eg eri ferðabúgvin,
mín bøn til tín og trúgvin
er hjartans uggi mín,
mín veiki vinaskari,
eg veit, um burt eg fari,
Gud leiða vil meg heim til sín.