Fagrari sang eg skal syngja enn nú

Orð: Hans J. Glerfoss
Lag: Hallgrim Miðberg

1. Fagrari sang eg skal syngja enn nú,
tá ið mín sál verður frí
úr hesum fongsli, sum rópast mín búð,
og kemur Himmalin í.
Trúgv mín er tann, at eg møta skal har
øllum, eg elskaði her
og eru kallað her heim undan mær
inn í Guds heilagu verð.

2. Dagarnir fara, men tíðin hon er
ævig, óbroytandi sonn,
og tað, sum kemur, skal við tí, sum fer,
órørt av hennara tonn,
savnast alt saman hin seinasta dag
og berast aftur til Gud –
hansara æra er ogn fyri tað,
at hann gav lív í mín lut.