Farandi tíð

Orð: Petur William Háberg
Lag: Pætur Hjørtur Háberg

Skjótt fara ársins dagar
við streyminum avstað,
teir eru sum ein dreymur
í huganum í dag.
Men ævinleikans manan
í hvørjum teirra var,
og hvat teir við sær bóru,
skal kennast uppi har.

Hin tunga sorgin snýkti
seg inn í mangt eitt heim,
men Harrans ríka náði,
sum áður hjálpti teim.
Teir allatyngstu dagarnar
Harrin sjálvur bar,
og øllum sínum verja
í trongdardøgum var.

Og hvat, ið tað vil bera,
tað ár, ið koma skal,
tað kann bert Harrin vita,
sum kennir dagatal.
Men livst tað fyri Harran
í trúnnar føstu borg,
so linnar hvør ein pína
og sløkkist hvør ein sorg.

FavoriteLoadingGoym tekstin