Firvaldur

Orð: Alexandur Kristiansen
Lag: Pauli Hansen

1. Firvaldur, firvaldur, sig hvør teg ól?
Lotið hitt lýggja og summarsins sól,
blómunnar angi og fuglanna ljóð –
siga mær eyguni vinsæl og góð.

2. Firvaldur, firvaldur, sig, hvar tú býrt.
Búgvi hjá summarsins vænastu urt.
Hvør lítil blóma meg leskar við døgg –
siga mær eyguni vinsæl og gløgg.

3. Firvaldur, firvaldur, sig, hvar tú fert.
Veit ikki sjálvur, eg hvørvi bert.
Lív mítt er einans eitt spyrjandi hví –
siga mær eyguni vinsæl og blíð.

FavoriteLoadingGoym tekstin