Fjart í ringrás

Orð: Haldur Sun
Lag: Jan Petersen

spakuliga
nærum í vektloysi
sveimandi
fet fyri fet
her er nátt
og eg sessist
uttan tamarhald
á mjúkt lendi

stari trøllabundin út
í víðopna myrkrið
har tú liggur
rein og skær
sum stilli
miðdepil í Ginnungagapi

fjart í ringrás
kemur skjálvti á meg
tankarnir øtla
og holdið prikar
í øllum tínum avdúkaða yndi
hómi eg grát
í eygum tínum

FavoriteLoadingGoym tekstin