Góðborgara-shuffle

Kári P.
Orð: Kári P.
Lag: “Jomfru Ane”

hjá oss er ongin munur
millum høg og lág
tí ein og hvør sum tímir
kann jú stilla seg á tá
og byrðarnar bera
meðan vit fram marsjera
so hugagóð & eygagóð & hjartagóð

vit lærdu jú at sólin skínur
á einhvønn sum vil
sum reystur drongur kapprenna
um konu hús & bil
vit mugu formerast
og accelerera
so hugagóð & sunnudagsgóð og hámarksgóð

pressa heimsins nalva
hon fær við hvønn nikk og prikk
hvørja buglu hvørja skøvu
millum alheimspolitikk
vit eru so intriserað
og væl informaterað
og eygagóð & nalvagóð & húðagóð

tøgnin er tín besti siður
tryggjar vára makt
tí hevur hann sum onki sigur
aldri ov nógv sagt
vit høvdið hátt bera
og múlan kontrollera
so meðalgóð & sámiliggóð & hampagóð

flyt teg
tí her koma vit
halló

FavoriteLoadingGoym tekstin