Halleluja, halleluja, syng hans prís mót Himli hátt

Jógvan við Keldu
Orð: Samuel Trevor Francis
Lag 1: Henry T. Smart
Lag 2: Charles J. Vincent
Týtt: Ingálvur av Reyni
Kórsatsur: Jógvan við Keldu
Upprunaheiti: Hallelujah! Hallelujah!

1. Halleluja, halleluja, syng hans prís mót Himli hátt.
Halleluja, halleluja, morgunglæman skyggir brátt.
Drottur dýrdarinnar mætur, sonur ævinleikans er,
sigurskongur, frælsishetja. Sína løn brátt heim hann ber.

2. Drottur ævinleikans mikil, hann, ið skapti himnafør,
einsamur á fold hann gekk, so fremmandur á egnu jørð.
Saknur, sorg og pína nívdu hjarta hans, og heimsins neyð
bar hann, og á krossi bøtti vára synd við skemdardeyð.

3. Halleluja, halleluja, lambið varð vár sálarbót.
Tú í mátt og veldi legði fíggindarnar undir fót.
Tí við rødd sum havsins duni veita vit tær takkarsong.
Halleluja, halleluja, brátt vit vænta teg, vár kong.

FavoriteLoadingGoym tekstin