HB ‘fan’

Orð og lag: Heri Nolsøe

Eg eri HB ‘fan’
mítt lið tað tíðum vann,
eg vóni at teir klára tað,
so spentur her eg siti
og hyggi at,
tann kenslan heldur ei uppat.

Ein fragd tað er at síggja gott spæl,
mín manning hon samvirkar væl,
tá bólturin hann koyrir frá manni til manns,
eg haldi so avgjørt vit hava ein kjans.

Kom við í Gundadal
til frálíkt fótbóltsspæl.
kom stuðli viðhaldsliðnum væl,
eg rópi her eg siti og hyggi at,
eg kann als ikki halda uppat.

Og onkuntíð teir verða dømdir off-side,
eg rópi hart og støðan gerst heit,
eg vóni at til sigurs tað fram eftir ber,
at enda lið mítt á sigurskós er.

Eg eri HB ‘fan’
mítt lið tað tíðum vann,
eg vóni at teir klára tað,
so spentur her eg siti
og hyggi at,
tann kenslan heldur ei uppat.

:: Eg eri HB ‘fan’
mítt lið tað tíðum vann,
eg vóni at teir klára tað,
so spentur her eg siti
og hyggi at,
tann kenslan heldur ei uppat.::

FavoriteLoadingGoym tekstin