Jesus mildi, vís títt vald

Petur Jacob Sigvardsen
Orð: Vilhelm Gregersen
Lag (2007): Knút Olsen
Týtt: Petur Jacob Sigvardsen
Viðmerking: Týddur í 1973. 

Jesus mildi, vís títt vald,
send tín mátt, og birt tín brand
í várt flógva sinni!
Veik vit eru, vesal, smá,
kunnu ørindi títt gá,
vóru vit enn minni.

Eydnan varð oss góð og blíð;
náðarinnar gylta tíð
skein sum sólin bjarta.
Vit, sum fingu búgvið borð,
bert sum molar Harrans orð
bóru svongum hjarta.

Hjálp, at hvør má gera sítt,
søkja fyrst her ríki títt,
birt upp kærleiks loga.
Tú, sum ger tey veiku sterk,
stimbra okkum, so títt verk
fyllir sál og huga.

FavoriteLoadingGoym tekstin