Leið meg til tær grønu fløtur

Orð og lag: Øssur Berghamar

1. Leið meg til tær grønu fløtur,
har mín sál kann hvíla seg,
sita trygt við tínar føtur,
hoyra, at tú elskar meg.
Har er friður, har er skýli,
tá ið ódnir herja á.
Mangan sálin mín fann hvílu,
tá ið andlit títt hon sá.

Niðurlag: Leið meg til tær grønu fløtur,
lívgast aftur sálin mødd.
:,: Dýrar eru allar løtur,
tá eg hoyri tína rødd. :,:

2. Leið meg til tær grønu fløtur,
forsmakkur av Himli her.
Stundum sælan, ið mær møtir,
anda mín av foldum ber
til tær ljósu, føgru hallir,
til títt ljósa Paradís.
Svunnir eru skuggar allir,
sál mín syngur lov og prís.

3. Leið meg til tær grønu fløtur,
har tú verk títt í mær gert.
Sál mín hevur sínar røtur
bert í tær – og tí, tú ert.
Men tú veitst, tað eru dagar,
tá eg dríva kann frá tær.
Hirði, leið meg aftur hagar,
har eg veit, at tú ert nær.

FavoriteLoadingGoym tekstin