Protest

Orð: Eyðun Nolsøe og Steintór Rasmussen
Lag: Eyðun Nolsøe

Vilt tú síggja, sært tú heimin
veruleikin er ein daglig hóttan
men vakurt eins og roðin yvir havið
er viljin til at burturbeina óttan

..vilt tú hugsa frítt
so kanst tú gera títt
tí eingin skal siga
nær tú skalt tiga

Skalt tú stýrast – Føroyar seljast
fólkini og fjøllini tú elskar
til ravnarnar, ið búgva her á landi
teir spotta teg kalla teg rebelska

..NEI tú kanst hugsa frítt
og eisini gera títt
tí eingin skal siga
nær skalt tú tiga

Eg sá teg vera millum okkum
í kravgongu ein gráan dag í fjør
og tonkti, – sjálvt tær allarminstu føtur
eiga rætt at ganga her á jørð

..vit vilja ganga við
vit eiga rætt til frið
at skapa at læra
at spyrja og svara
..ja fleiri ættarlið
miljónir syngja við
og ongin skal siga
at vit skulu tiga

FavoriteLoadingGoym tekstin