Summi fólk so fegin ganga

Orð: Mads Nielsen
Lag 1: Jógvan á Lakjuni
Lag 2: Knud Jeppesen
Lag 3: Gunder Knudsen
Týtt: Ismar Joensen

1. Summi fólk so fegin ganga
sum við kongsboðum á ferð,
bera vitni millum manna,
at Guds dýrd av kongsins ber.
Smílið er sum sólarglottin
– sum ein sól, ið lýsir frið.
Leiðin, ið vit skulu ganga,
fríðkast upp við teirra lið.

2. Teirra lív fær mátt úr djúpum
keldufari, sum ei sæst;
heimliga í teirri kvirru,
har bert gott av skafti fæst.
Og í einum treiskum heimi,
sum bert trýr tí, ið hann sær,
eru tey sjálv lívsins vitni
um Guds verk, sum eydnu fær.

3. Hesi vága tað, vit onnur
syngja um hvønn sunnudag,
gráa yrkadagin fáa
tey ein halgidóm í lag.
Gera hesa fold, vit kalla
eina neyðars sorgarverð,
til ta summarbreyt, ið beint til
stjørnuportrið fagra ber.

FavoriteLoadingGoym tekstin