Syngið við okkum, fjøll og líð

Orð: Grundtvig
Týtt: Mikkjal á Ryggi

1. Syngið við okkum, fjøll og líð,
prísið Harranum alla tíð!
Undarlig tykist títt hans ferð,
altíð tó signing okkum ber.
Guð havi lov!

2. Syngið við okkum, land og hav;
alt, okkum tørvaði, Guð oss gav!
Syngið við okkum, stjørnur smá,
syngið við okkum, bylgjur blá:
Guð havi lov!

3. Syngið við okkum, dagur, nátt:
Guð, vár Guð, ger oss einans gott!
Syngið við okkum, børn so smá,
syngið við, tit av elli grá:
Guð havi lov!

4. Syngið við okkum, suður, norð:
frið oss gevur Guðs halga orð!
Fara tað lat um lond og havn,
heilsa: »Guðs friður í Jesu navn!«
Guð havi lov!

5. Syngið við okkum fjart og nær:
Guð væl inn í hvørt hjarta sær;
finnur hann har ta góðu grund,
gleði hann sáar alla stund.
Guð havi lov!

FavoriteLoadingGoym tekstin