Tey fara framvið

Orð: Janus Djurhuus
Lag 1: Hans Jacob Højgaard
Lag 2: Óla Jákup Hansen

1. Tey fara framvið á sumri í sól,
so vónrík og flúgvandi glað;
ein gullglæma sveipar og signar tað lið,
sum í vóndreymi sveimar avstað.

2. Ta lukku, ið ger tey so læandi løtt,
lívgevandi kærleikur ól,
hon kennst sum hitt unga áarsús,
hjá børnum av sumri og sól.

3. So hittast tey saman, tvey og tvey,
og skelvandi reiða sær ból, –
men sorgsveipta náttin gav heystbleikan dreym,
ið várið og summarið fjól.

4. Tey fara framvið sum tað følnaða leyv,
ið miðleyst á heiðunum fleyg,
sum mammur, ið syrgja, tá dýrasta ogn –
børnini, ov tíðliga deyð.

FavoriteLoadingGoym tekstin