Várgleði

Mikkjal á RyggiJógvan á Lakjuni
Orð: Mikkjal á Ryggi
Lag: Jógvan á Lakjuni

1. Vøkur er verðin í grønskandi vári,
fríðlittar urtir nú næla úr mold.
Sólin hin bjarta og himmalin klári
oysa ein eld yvir livnandi fold.

2. Gleði tær býður tað signaða várið.
Alt, ið Gud skapti, seg kennir so glatt.
Fara má sorgin, og flýggja má tárið.
Hjartað nú leikar so frítt og so lætt.

3. Elska tí lívið í fagrasta vári.
Gleð teg sum fuglur við fragdarfult ljóð.
Takka Várharra. So seinni á ári
lætta og líva tær minnini góð.

FavoriteLoadingGoym tekstin