Við tjarnareyga

Orð: Magnus Dam Jacobsen
Lag: Heri Kragesteen

1. Sat eg við tjarnareyga
sæla skýmingsstund.
Fjart hoyrdist suð av veingjum,
nú nærkast náttin við skund.

2. Og meðan dagur hvørvur
í myrkursins djúpu hond,
legst tøgn yvir mannabýli
og fuglar, sum blunda í nánd.

3. Fjart úr kvirruni hoyrist
dunið av Havnará.
Brátt stjørnur á himni tendrast –
ei vakrari mynd eg sá.

FavoriteLoadingGoym tekstin