Vøgguvísa

Orð og lag: Simme Arge Jacobsen

Kom, legg títt høvur á móður lær
mítt lítla fitta sníð,
og tel mær, hvørt hevur gingist tær
alt eftir dagsins stríð.
Tí, fyri tær er stríðið stórt,
um alt ei gongur væl.
Í spølni er ei klandur sørt,
tó at tað bert er spæl.

Kom, legg títt høvur á móður lær.
Í tíni barnaverð
er gloymt, tá sólin aftur sær,
alt tað, sum tær sorgir ber.
O, lær meg, barn, at stríð mítt er
ei daprari enn títt,
ið kámast burtur í dreymaverð.
Sov, fitta sníðið mítt.

FavoriteLoadingGoym tekstin